ឯកឧត្តម គួច ចំរើន អភិបាល នៃគណៈអភិបាល ខេត្តព្រះសីហនុ បានអញ្ជើញទទួលអំណោយមនុស្សធម៌ពីសប្បុរសជនក្នុងខេត្តព្រះសីហនុ

ខេត្តព្រះសីហនុ៖ ព្រឹកថ្ងៃចន្ទ ៦រោជ ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៣ ខែមេសា ឆ្នាំ ២០២០ ឯកឧត្តម គួច ចំរើន អភិបាល នៃគណៈអភិបាល ខេត្តព្រះសីហនុ បានអញ្ជើញទទួលអំណោយមនុស្សធម៌ពីសប្បុរសជនក្នុងខេត្តព្រះសីហនុ មានជាសម្ភារៈបរិក្ខាពេទ្យ អង្ករ ទឹកសុទ្ធ និងថវិកាមួយចំនួន ឧបត្ថម្ភដល់រដ្ឋបាលខេត្តព្រះសីហនុ ដើម្បីជាការចូលរួមប្រយុទ្ធប្រឆាំង និងជំងឺ Covid-19 ។

ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានថ្លែង អំណរគុណដល់សប្បុរសជន ដែលបានចូលរួមជាមួយរដ្ឋបាលខេត្ត នាំយកអំណោយជាសម្ភារ:បរិក្ខាពេទ្យ  អង្ករ និងថវិកា ឧបត្ថមដល់រដ្ឋបាលខេត្តព្រះសីហនុ បំរើឱ្យការងារប្រយុទ្ធប្រឆាំងនឹងជំងឺ Covid-19 ក្នុងខេត្តព្រះសីហនុ សកម្មភាពនេះជាទឹកចិត្តសប្បុរសធម៌ នៃវប្បធម៌ចែករំលែកក្នុងគ្រាដែលយើងរួមគ្នាប្រយុទ្ធប្រឆាំងនឹងជំងឺ Covid-19 ជាមួយរដ្ឋបាលខេត្តព្រះសីហនុ ៕