ក្រុមការងារ​ប្រយុទ្ធ​ប្រឆាំង​នឹង​ជំងឺ​កូវីដ​-១៩​ខេត្តកណ្តាល ចុះពិនិត្យ​គោលដៅ ចំណុច​ទីបញ្ជាការស្រាល​ ប៉ុស្ត៍​ត្រួតពិនិត្យ​ចរាចរណ៍​ ស្ពាន​អូរកែវ

ខេត្តកណ្តាល​៖ អនុវត្តតាមការដឹកនាំរបស់ ឯកឧត្ដម គង់ សោភ័ណ្ឌ អភិបាលខេត្តកណ្តាល ក្រុមការងារ​ប្រយុទ្ធ​ប្រឆាំង​នឹង​ជំងឺ​កូវីដ​-១៩​ខេត្តកណ្តាល ទទួលមុខព្រួញ​ ស្រុកស្អាង​ និង​ស្រុក​កោះធំ​ ដែល​មានព្រំប្រទល់ជាប់គ្នា​ រវាងខេត្តកណ្តាល​ និង​ខេត្ត​តាកែវ​ នៅព្រឹកថ្ងៃទី១៥ ខែមេសា ឆ្នាំ២០២០ បានបន្តចុះពិនិត្យ​គោលដៅ ចំណុច​ទីបញ្ជាការស្រាល​ ប៉ុស្ត៍​ត្រួតពិនិត្យ​ចរាចរណ៍​ ស្ពាន​អូរកែវ​ ស្ថិត​ក្នុង​ឃុំក្រាំងយ៉ូវ​ ស្រុក​ស្អាង​ ដើម្បីអនុវត្តបទបញ្ជារបស់រាជរដ្ឋាភិបាលលេខ ០២បប និងសេចក្ដីសម្រេចរបស់រាជរដ្ឋាភិបាលលេខ ៣៩សសរ ស្ដីពីការហាមឃាត់ ការធ្វើដំណើរនៅក្នុងប្រទេស ពីខេត្តមួយ ទៅខេត្តមួយ​ ។

ក្នុងឱកាសនោះដែរក្រុមការងារថ្នាក់ខេត្ត បាននាំយកថវិការបស់​អភិបាលខេត្ត​ ចំនួន​៥លានរៀល​ និង​ក្រុមការងារ​ឧបត្ថម្ភ​ ទឹកសុទ្ធ​៥​កេស ភេសជ្ជៈ​៤​កេស​ ជូនដល់សមត្ថកិច្ច​ ដែល​កំពុង​អនុវត្ត​ការងារ​នៅគោលដៅផងដែរ។