ឯកឧត្តម ជា សុមេធី អភិបាលខេត្តព្រៃវែង ចុះសួរសុខទុក្ខ និងនាំយកថវិកា ភេសជ្ជៈព្រមទាំងសម្ភារៈ ចែកជូនដល់គ្រូពេទ្យជួរមុខ និងប្រជាពលរដ្ឋចំណាកស្រុកត្រឡប់ពីប្រទេសថៃ

ខេត្តព្រៃវែង៖ នាថ្ងៃសៅរ៍ ៣រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៩ ខែឧសភា ឆ្នាំ២០២០ ឯកឧត្តម ជា សុមេធី អភិបាលខេត្តព្រៃវែង បានចុះសួរសុខទុក្ខ និងនាំយកថវិកា ភេសជ្ជៈព្រមទាំងសម្ភារៈមួយចំនួនជូនដល់គ្រូពេទ្យជួរមុខ និងប្រជាពលរដ្ឋចំណាកស្រុកត្រឡប់ពីប្រទេសថៃ មកខេត្តព្រៃវែងវិញដែលសង្ស័យឆ្លងវីរុសកូវីដ-១៩ បច្ចុប្បន្ន កំពុងសម្រាកព្យាបាល នៅមណ្ឌលចត្តាឡីស័កថ្នាក់ខេត្ត វិទ្យាល័យសម្តេចតេជោ ហ៊ុន សែន កំពង់លាវ ក្រុងព្រៃវែង ។

អំណោយ ដែលនាំមកនាពេលនេះ រួមមាន:
- អាល់កុល ១០លីត្រ
- ម៉ាស់ ៥ប្រអប់ =២៥០បន្ទះ
- សាប៊ូ ៣០ដុំ
- ទឹកសុទ្ធ ១០កេស
- មីយើង ៣កេស (១កេស=៣០កញ្ចប់)
- ទឹកផ្លែឈើ ចំនួន៣កេស
- សំលៀកបំពាក់ការពារមេរោគ ចំនួន២០ឈុត(ក្បាលដល់ចុងជើង)
- ថវិកាចំនួន៥មុឺនរៀល សម្រាប់៥នាក់ និងសម្រាប់ពេទ្យប្រចាំការ យោធា ប៉ូលីស កងរាជអាវុធហត្ថ និងមន្ត្រីខេត្ត ១ក្រុមៗ ចំនួន២០មុឺនរៀល។

ខេត្តព្រៃវែងបានរៀបចំមូលនិធិបង្ការទប់ស្តាត់ជំងឺកូវីដ១៩ សម្រាប់គ្រូពេទ្យជួរមុខ និងប្រជាពលរដ្ឋចំណាកស្រុកត្រឡប់ពីប្រទេសថៃ មកខេត្តព្រៃវែងវិញដែលសង្ស័យឆ្លងវីរុសកូវីដ-១៩ ក្នុងខេត្តព្រៃវែង តាមរយៈគណៈអភិបាលខេត្ត និងការចូលរួមពីសប្បុរជននានា ដែលតែងតែឧបត្ថម្ភគ្រាំទ្រសកម្មភាពទប់ស្កាត់និងបង្ការជំងឺឆ្លងជំងឺកូវីដ-១៩។

ឆ្លៀតឱកាសនេះ ឯកឧត្តមអភិបាលក៍សូមអំពាវនាវដល់បងប្អូនប្រជាពលរដ្ឋ ដែលមានការសង្ស័យ មានផ្ទុកមេរោគកូវីដ១៩ សូមអញ្ជើញមកធ្វើតេស្តនៅមន្ទីរពេទ្យបង្អែកខេត្ត និងសូមអំពាវនាវដល់បងប្អូនប្រជាពលរដ្ឋ និងពលករដែលបានវិលត្រឡប់ពីប្រទេសថៃវិញ សូមស្តាប់តាមការណែនាំរបស់ក្រសួងសុខាភិបាល ដោយធ្វើការលាងសម្អាតដៃនឹងសាប៊ូ ឬអាកុលអោយបានញឹកញាប់ និងសារអប់រំសំខាន់ៗរបស់ក្រសួងសុខាភិបាលផងដែរ។