ឯកឧត្ដម នៃ ចារី អភិបាលរងខេត្តកណ្តាល អញ្ជើញជាអធិបតីភាពដឹកនាំកិច្ចប្រជុំ ស្ដីពីការត្រួតពិនិត្យ និងផ្ដល់យោបល់លើរូបនិមិត្តសញ្ញាសម្គាល់រដ្ឋបាលឃុំ ទាំង១០

ខេត្តកណ្តាល៖ នាព្រឹកថ្ងៃទី២៨ ខែធ្នូ ឆ្នាំ២០២០ ឯកឧត្ដម នៃ ចារី អភិបាល នៃគណៈអភិបាលរងខេត្តកណ្តាល បានអញ្ជើញជាអធិបតីភាពដឹកនាំកិច្ចប្រជុំ ស្ដីពីការត្រួតពិនិត្យ និងផ្ដល់យោបល់លើរូបនិមិត្តសញ្ញាសម្គាល់រដ្ឋបាលឃុំ ទាំង១០ និងរដ្ឋបាលស្រុកអង្គស្នួល ។ 

មានប្រសាសន៍នៅក្នុងកិច្ចប្រជុំនេះដែរ ឯកឧត្ដមអភិបាលខេត្ត បានអោយរដ្ឋបាលស្រុកអង្គស្នួល សហការជាមួយនឹងមន្ទីរវប្បធម៌ និងវិចិត្រសិល្បៈខេត្ត ក្នុងការសិក្សាពីទីតាំង ប្រវត្តិសាស្ត្រ  និងភាពរីកចម្រើន នៃការអភិវឌ្ឍន៍ ក្នុងស្រុកអង្គស្នួល ដើម្បីរំលេចក្នុងរូបនិមិត្តសញ្ញារបស់រដ្ឋបាលស្រុក និងរដ្ឋបាលឃុំនីមួយៗ របស់ស្រុកអង្គស្នួល ។