កន្លែងល្បែងស៊ីសងជល់មាន់និងអាប៉ោងដ៏ធំ ស្ថិតនៅចំណុចជិតវត្តតាគុជ ឃុំឬស្សីស្រុក ស្រុកស្រីសន្ធរ កំពង់ចាម សមត្ថកិច្ចមិនហ៊ានបង្ក្រាប ឬមួយក្លាចប៉ះពាល់ផលប្រយោជន៍

ខេត្តកំពងចាម ៖ ទីតាំងល្បែងស៊ីសងជល់មាន់និងអាប៉ោងមួយកន្លែងស្ថិតនៅចំណុចជិតវត្តតាគុជ ឃុំឬស្សីស្រុក ស្រុកស្រីសន្ធរ ខេត្តពង់ចាម កំពុងតែបើកដំណើរការលេងយ៉ាងរលូនមិនខ្លាច កូវីដ.19 ដោយទទួលអ្នកញៀនល្បែងស៊ីសងទាំងនោះ មិនខ្លាចអាជ្ញាធរ ឬសមត្ថកិច្ចថ្នាក់ណាបង្ក្រាបឡើយ។

បើយោងតាមប្រជាពលរដ្ឋដែលរស់នៅជិតកន្លែងបើកល្បែងស៊ីសងជល់មាន់និង អាងប៉ោងនោះបានឲ្យដឹងថា រាល់ថ្ងៃឃើញក្រុមអ្នកញៀនល្បែងជាច្រើនជិះឡានមូតូ ចូលទៅលេងភ្នាល់ចាក់លុយ រាប់ពាន់ដុល្លារ ដល់ម៉ឺនដុល្លារឯណោះ ព្រមទាំងស្រែកហ៊ោកញ្រ្ជៀវឡូឡាពេញ ពេលគេចាញ់ឈ្នះម្តងៗ។

ប្រភពមន្ត្រីម្នាក់បង្ហើបថា កន្លែងបើកល្បែងស៊ីសងជល់មាន់និងអាប៉ោង មួយនេះបើកលេងបានយ៉ាងរលូន ក្នុងករណីនេះដែរពិតជាអ្នកមានអំណាចដ៍ធំមួយនៅក្នុងខេត្តកំពង់ចាម ជាអ្នករត់ការចែកចាយលុយដល់សមត្ថកិច្ចតាំងពីថ្នាក់ក្រោមរហូតដល់ថ្នាក់លើ ដេីម្បីបិតមាត់ មិនឲ្យមានការចាប់ចងឬបង្រ្កាបឡេីយ ។

មន្រ្តីនោះបន្តថា ក្នុងទឹកដីខេត្តកំពង់ចាម នេះ មានល្បែងខុសច្បាប់គ្រប់ប្រភេទជាពិសេសល្បែងជល់មាន់អាប៉ោង ជល់មាន់តាមអនឡាញ បើមិនមានការបើកដៃឲ្យលេង គឺមិនហ៊ានទេ?។

ប្រជាពលរដ្ឋ​បាន​លើកឡើងទៀតថា ដោយសារ​ល្បែងស៊ីសង​ដូចជា ជល់មាន់និង​អាប៉ោង ត្រូវគេ​បើក​លេង​ក្នុង​ទ្រង់ទ្រាយ​ធំ​សំបើម បែបនេះទើបនៅក្នុងខេត្តកំពង់ចាម  កើតមានបទល្មើសផ្សេងៗយ៉ាងពេញបន្ទុកដូចជា អំពើចោរកម្ម និង​អំពើហិង្សា​ក្នុង​គ្រួសារ ជាដើម​។ 

ប្រជាពលរដ្ឋបន្ត​ទៀតថា បច្ចុប្បន្ន​នៅក្នុង​មូលដ្ឋាន​មាន​ករណី​ចោរលួច​ឆក់ ស្ទើរ​ជា​រៀងរាល់ថ្ងៃ ហើយ​អ្នកភូមិ​ខ្លះ​បាន​យក​ប្លង់ដី ប្លង់​ផ្ទះ ទៅ​បញ្ចាំ​ដើម្បី​យកលុយ​លេងល្បែង​ស៊ីសង​ចាញ់​អស់​ជា​បន្តបន្ទាប់​។

សូមបញ្ជាក់ថា ក្នុងការ​ភ្នាល់ល្បែងស៊ីសងជល់មាន់និងអាប៉ោង ម្ដងៗ​មាន​អ្នក​ឈ្នះ​ចាញ់​អស់​លុយ​រាប់ពាន់​រាប់ម៉ឺន​ដុល្លារ ហើយ​មិនទាន់​ឃើញ​មាន​មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ចាត់វិធានការ​បង្ក្រាប​ល្បែងស៊ីសង​ខុសច្បាប់​មួយនេះទេ​ ខណៈគេសង្ស័​យ​ថា​ល្បែង​ភ្នាល់ស៊ីសាច់ហុតឈាមគ្នាយ៉ាងត្រជាក់នេះ ជាឆ្នាំងបាយ របស់សមត្ថកិច្ចខិលខូចមួយក្ដាប់តូច ទើបរក្សាភាពស្ងៀមស្ងាត់ទុកឲ្យល្បែងភ្នាល់មួយនេះកើតឡើ​ងយ៉ា​ងអនាធិបតេយ្យក្នុងទឹកដី ខេត្តកំពង់ចាមបែបនេះ។

ដូច្នេះ​ប្រជាពលរដ្ឋ​ក៏ដូចជាមហាជនបានសូមអំពាវដល់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងឯកឧត្ដម ឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម ព្រមទង ឯកឧត្តម  ឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្តកំពង់ចាម សូមឯកឧត្តម ចាប់កម្លាំងក្រោមឱវាទមកត្រួតពិនិត្យ កន្លែងល្បែងស៊ីសងជល់មាន់និងអាប៉ោង ដែលមានមន្ត្រីខិលខូចមួយក្ដាប់តូចដែលកំពុងបើកដៃឲ្យមានល្បែងជល់មាន់និង អាប៉ោងស្ថិតនៅចំណុចជិតវត្តតាគុជ ឃឬស្សីស្រុក ស្រុកស្រីសន្ធរ ខេត្តកំពង់ចាម សូមឯកឧត្តម មានចំណាត់ការបង្ក្រាបផងទាន។

ប្រសិនបើជា លោកសមត្ថកិច្ចមួយក្ដាប់តូច ពិតជាមិនបាន​ជាប់ពាក់ព័ន្ធនឹងផលប្រយោ​ជន៍ផ្ទាល់ខ្លួន​ទេនោះ គឺត្រូវតែហ៊ាន​បង្ហាញ​ជំហរដឹកនាំដោយភាព​ស្មោះត្រង់​បម្រើប្រជាព​លរដ្ឋ​ស្របតាមគោលនយោបាយភូមិ ឃុំ មានសុវត្ថិភា​ព​ របស់រាជរដ្ឋាភិបាល​និង ស្របពេល 

រាជរដ្ឋាភិបាល ស្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កំពុងតែរួមគ្នាការពារការរីករាលដាលនៃជំងឺ កូវីដ.១៩ មិនមែនបណ្តោយអោយមានការប្រមូលផ្ដុំ បើកល្បែងដូច្នេះទេ? ៕