ល្បែងស៊ីសងប្រភេទមាន់ជល់តាមអនឡាញជាច្រើនកន្លែង ក្នុងនោះក៏មានល្បែងឡូតូ កំពុងរីករាលដាលជាបន្តបន្ទាប់ក្នុងមូលដ្ឋានខណ្ឌដង្កោ រាជធានីភ្នំពេញ ដោយមិនមានការបង្ក្រាបពីអាជ្ញាធរក្នុងមូលដ្ឋាននៅឡើយ។
យោងតាមប្រភពជាច្រើន បានអោយដឹងថា មានទីតាំងឆ្នោតឡូតូ និងមាន់ជល់អនឡាញចំនួន៤ទីតាំង ក្នុងខណ្ឌដង្កោ កំពុងបើកដំណើរការជារៀងរាល់ថ្ងៃ និងមានអ្នកចេញចូលលេងជាច្រើនទៀតផងដែរ ដែលទាំងអស់នេះហើយ ជាដើមចមនៃបទល្មើស ចោរកម្ម លួចឆក់ ប្លន់ជាដើម។
ប្រភពដដែលបានអោយដឹងទៀតថា ទីតាំងដែលកំពុងដំណើរការនេះមាន៖
ទី១ ចូលតាមស្ថានីយ៍ប្រេងផ្សារសារឿនយ៉ានី ១០០ម៉ែត្របត់ឆ្វេងប្រហែល៣០ម៉ែត្រចំណុចផ្ទះបុកប៊ីយ៉ាភូមិតាឡី សង្កាត់ដង្កោ សម្បូរមនុស្សចូលលេងច្រើនចាប់ពីម៉ោង៤រសៀលទៅ។
ទីតាំងទី២ នៅខាងត្បូងវត្តជើងឯងមាន៣ទីតាំង នៅចំណុចតារាងបាល់ទះ ចំណុចកន្លែងចិញ្ចឹមមាន់ជល់ និងនៅខាងក្រោយហាងគុយទាវ ក្បែរកន្លែងបោះប៊ូរ សង្កាត់ជើងឯក។
ទី៣ ស្ថិតនៅចំណុចហាងបាយជាប់ច្រកចូលការ៉ាស់ឡានស៊ិនទ្រី សង្កាត់ដង្កោ ។
ទី៤ ក្នុងតារ៉ាងបាល់ទះខាងក្រោយស្ថានីយ៍ប្រេង ទុលមុខវត្តសំបួមាស (អតីតតារ៉ាងបាល់ទាល់) ក្នុងសង្កាត់ដង្កោ ខណ្ឌដង្កោ រាជធានីភ្នំពេញ ។
No comments:
Post a Comment