លោកជំទាវ កែ ច័ន្ទមុនី ចុះចែកអំណោយដល់ចាស់ជរាចំនួន០៥គ្រួសារ និងជួបសំណេះសំណាលណែនាំដល់ប្រជាពលរដ្ឋ ក្នុងការថែររក្សាសុខភាព និងធ្វើអនាម័យការពារជំងឺកូវីដ១៩ នៅក្នុងភូមិត្រពាំងធំ និងភូមិថ្មរាប ឃុំពង្រ ស្រុករលាប្អៀរ

ខេត្តកំពង់ឆ្នាំង៖ ព្រឹកថ្ងៃទី១៨ ខែមេសា ឆ្នាំ ២០២០ លោកជំទាវ កែ ច័ន្ទមុនី អ្នកតំណាងរាស្ត្រ និងជាប្រធានក្រុមការងារគណបក្សប្រជាជនកម្ពុជា ចុះជួយឃុំពង្រ លោក សេង វិចិត្រ អនុប្រធានក្រុមការងារស្រុក និងសហការី បានអញ្ជើញចុះចែកអំណោយដល់ជនចាស់ជរា ចំនួន ០៥គ្រួសារ និងជួបសំណេះសំណាលណែនាំដល់បងប្អូនប្រជាពលរដ្ឋ ក្នុងការថែររក្សាសុខភាព និងធ្វើអនាម័យការពារជំងឺកូវីដ១៩ នៅក្នុងភូមិត្រពាំងធំ និងភូមិថ្មរាប ស្ថិតក្នុងឃុំពង្រ ស្រុករលាប្អៀរ ខេត្តកំពង់កំពង់ឆ្នាំង។ 

អំណោយដែលនាំយកទៅចែកជូនក្នុងមួយគ្រួសារទទួលបាន៖ អង្ករ ១០ គីឡូក្រាម, មី ១កេស, សាប៊ូ ១កញ្ចប់, ទឹកត្រី ១យួរ, ទឹកស៊ីអីុវ ១យួរ, ត្រីខ ១យួរ និងថវិកា ២០,០០០រៀល។

លោកជំទាវ ព្រមទាំងក្រុមការងារ បានបន្តដំណើរចុះសួរសុខទុក្ខលោក ប៉ែន ចាន់ធឿន សមាជិកក្រុមប្រឹក្សាឃុំ ដែលមានបញ្ហាសុខភាពសម្រាកព្យាបាលជំងឺនៅគេហដ្ឋាន និងឧបត្ថម្ភថវិកា ២០០,០០០រៀល ផងដែរ ៕