លោកជំទាវ កុប ម៉ារីយ៉ាស អ្នកតំណាងរាស្រ្តមណ្ឌលកំពង់ឆ្នាំង ចុះសាកសួរសុខទុក្ខ និងនាំយកអំណោយជូនប្រជាពលរដ្ឋងាយរងគ្រោះ ចំនួន២៥គ្រួសារ

ខេត្តកំពង់ឆ្នាំង៖ នាព្រឹកថ្ងៃទី០៦ ខែឧសភា ឆ្នាំ២០២០ លោកជំទាវ កុប ម៉ារីយ៉ាស អ្នកតំណាងរាស្រ្តមណ្ឌលកំពង់ឆ្នាំង និងសហការី បានចុះសាកសួរសុខទុក្ខ និងនាំយកនូវអំណោយជូនប្រជាពលរដ្ឋងាយរងគ្រោះ ចាស់ជរា ខ្វះខាតជួបការលំបាក ចំនួន ២៥ គ្រួសារ ដល់ខ្នងផ្ទះ រស់នៅនៅភូមិកំពង់ត្រឡាច និងឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង។

អំណោយដែលលោកជំទាវនាំយកទៅចែកជូនក្នុងឱកាសនោះក្នុង១គ្រួសារទទួលបាន៖ អង្ករ ១០គីឡូក្រាម មី២០កញ្ចប់ ប្រេងឆា ០២ ដប អំបិល២ គីឡូក្រាម ត្រីខ ០២ កំប៉ុង ស្ករស ០២ គីឡូក្រាម តែ ០២កញ្ចប់ ទឹកដោះគោ ០២កំប៉ុង ទឹកក្រូច ០២ដប។ ក្នុងនោះលោកជំទាវបានជូនថវិកាចំនួន ១០០ ០០០រៀល បន្ថែមសម្រាប់គ្រួសារអ្នកជំងឺកូវីដ១៩ ចំនួន ១គ្រួសារ ៕