លោក សោម ពិសិដ្ឋ អភិបាលរងខេត្តកែប ចុះជួបសំណេះសំណាលសួរសុខទុក្ខប្រជាពលរដ្ឋចាស់ជរា គ្រួសារដែលមានកូនភ្លោះចំនួន៣នាក់ នៅភូមិអូរក្រសារ

ខេត្តកែប៖ នាព្រឹកថ្ងៃព្រហស្បត៍ ១រោច ខែពិសាខ​ ឆ្នាំជូត​ ទោស័ក​ ព.ស ២៥៦៤ ត្រូវនឹងថ្ងៃទី០៧ ខែឧសភា ឆ្នាំ២០២០​នេះ​ លោក សោម ពិសិដ្ឋ អភិបាលរងខេត្តកែប ឯកឧត្តម អ៊ូ ពៅ សមាជិកក្រុមប្រឹក្សាខេត្ត​ រួមដំណេីរជាមួយដោយ​ គណ:អភិបាលក្រុងកែប​ ក្រុមការងារចុះជួយភូមិអូរក្រសារ ក្រុមប្រឹក្សាសង្កាត់​អូរក្រសារ​ និងក្រុមការងារ​ យុវជនគណបក្សខេត្ត​ សសយក​ សយសស​​ បានអញ្ចេីញចុះជួបសំណេះសំណាលនឹងនាំយកនូវសម្ភារ:ឧបត្តម្ភមួយចំនួនរួមមាន៖ អង្ករ​ មី ទឹកត្រី​ ទឹកស៉ីអ៉ីវ​ ត្រីខ​ សាប៊ូProtex​  អាល់កុល ម៉ាស់ក្រម៉ា​ និងថវិកាចំនួន២០.០០០រៀល ក្នុងមួយគ្រួសារ​ សម្រាប់ប្រជាពលរដ្ឋចាស់ជរា៤គ្រួសារ និងថវិកា ៥៥០,០០០៛​ សម្រាប់គ្រួសារដែលមានកូនភ្លោះចំនួន ៣នាក់ ១គ្រួសារ នៅភូមិ អូរក្រសារ សង្កាត់អូរក្រសារ ក្រុងកែប​ ខេត្តកែប ។

ឆ្លៀតក្នុងឱកាសចុះជួបសំណេះសំណាលនេះដែរ​ លោកអភិបាលរងខេត្តកែប ក៏បានធ្វេីការផ្ដាំផ្ញេី​ និងផ្សព្វផ្សាយណែនាំដល់បងប្អូនប្រជាពលរដ្ឋត្រូវប្រឹងប្រែងរកសុីទទួលទាន ត្រូវចាកឆ្ងាយពីល្បែងសុីសង និងត្រូវចូលរួមចំណែកជាមួយរាជរដ្ឋាភិបាលក្នុងការអនុវត្ត និង ទប់ស្កាត់ការរីករាលដាល​នៃជំងឺកូវីដ-១៩​ តាមសារអប់រំ​ណែនាំ​ របស់ក្រសួងសុខាភិបាល​ និងត្រូវអនាម័យជាប្រចាំ៕