លោក វ៉ា ថន ថ្លែងអំណរគុណជូនចំពោះទឹកចិត្តសប្បុរសធម៌របស់អង្គការការីតាស បានចូលរួមចំណែកប្រយុទ្ធប្រឆាំងជំងឺកូវីដ-១៩

ក្រចេះ ៖ នៅថ្ងៃទី១៨ ខែឧសភា ឆ្នាំ២០២០ លោក វ៉ា ថន អភិបាលខេត្ត បានអញ្ជើញទទួលសម្ភារៈសង្គ្រោះពីអង្គការការីតាស សម្រាប់សកម្មភាពចូលរួមសកម្មភាពជួយសង្គ្រោះជីវភាព និងសុខភាពប្រជាពលរដ្ឋ ក្នុងអំឡុងពេលជំងឺកូវីដ-១៩ បើទោះបីជាខេត្តក្រចេះគ្មានករណីកើតឡើងក៏ដោយ។

ចំពោះសម្ភារៈដែលប្រគល់ជូនរដ្ឋបាលខេត្តរួមមាន ៖ សាប៊ូ៥០៤ដុំ - អាល់កុល១០កាន ស្មើរនឹង១០០លីត្រ -ម៉ាស់៥០ប្រអប់ និងផ្ទាំងរូបភាពផ្សព្វផ្សាយ១ពាន់សន្លឹក។

គួរបញ្ជាក់ផងដែរថា៖ នៅរយៈពេលកន្លងមកនេះ ក្នុងស្មារតីសាមគ្គីជាតិ និងការចែករំលែកប្រកបដោយសន្តានចិត្តសប្បុរសធម៌ មន្ត្រីរាជការ មន្ត្រីនគរបាល បានស្ម័គ្រចិត្តបរិច្ចាគប្រាក់បៀវត្សផ្ទាល់ខ្លួនប្រចាំខែ និងថវិកាផ្ទាល់របស់ព្រះមន្ត្រីសង្ឃ ក្នុងខេត្តក្រចេះចំនួន៧២៧នាក់/អង្គ ដែលមានថវិកាសរុប ៣៩៤.៦៧៩.២៦០ រៀល ជូនមូលនិធិប្រយុទ្ធនឹងជម្ងឺកូវីដ-១៩ ក្នុងការបង្ការទប់ស្កាត់នៃការរីករាលដាលនៃជំងឺនេះ។ បច្ចុប្បន្នថវិកាទាំងនេះ បានបង្វែរចូលក្នុងគណនេយ្យមូលនិធិរបស់គណៈកម្មាការជាតិប្រយុទ្ធប្រឆាំងនឹងជម្ងឺកូវីដ-១៩ រួចរាល់ហើយ៕