នៅទីស្តីការគណៈរដ្ឋមន្រ្តី អ្នកនាំពាក្យរបស់រាជរដ្ឋាភិបាល បានប្រារព្ធសន្និសិទ្ធសារព័ត៌មាន ស្តីពីវឌ្ឍនភាព និងទិសដៅ ការងារបន្តរបស់រដ្ឋបាលខេត្តឧត្តរមានជ័យ

ខេត្តឧត្តរមានជ័យ៖ នៅព្រឹកថ្ងៃទី អង្គារ ១៣រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩ ខែឧសភា ឆ្នាំ២០២០ នៅវេលាម៉ោង ០៩ និង ៣០ នាទីព្រឹកនេះ នៅទីស្តីការគណៈរដ្ឋមន្រ្តី អ្នកនាំពាក្យរបស់រាជរដ្ឋាភិបាល បានប្រារព្ធសន្និសិទ្ធសារព័ត៌មាន ស្តីពីវឌ្ឍនភាព និងទិសដៅ ការងារបន្ត របស់រដ្ឋបាលខេត្តឧត្តរមានជ័យ។

វាគ្មិនក្នុងថ្ងៃនេះមានវត្តមានឯកឧត្តម ប៉ែន កុសល្យ អភិបាល នៃគណៈអភិបាលខេត្តឧត្តរមានជ័យ និងគណៈប្រតិភូអមចំនួន ២៤នាក់ទៀត ជាអធិបតីផងដែរ។

សន្និសីទនេះ មានគោលបំណងបង្ហាញជូនសាធារណជនឲ្យ បានយល់ច្បាស់ពី សកម្មភាពសមិទ្ធផលនិងទិសដៅការងារបន្ត របស់រដ្ឋបាលខេត្តឧត្តរមានជ័យ ក្នុងទិសដៅ ស្នូល ជំរុញគោលនយោបាលអភិបាលកិច្ចល្អឲ្យកាន់តែមានប្រសិទ្ធិភាព ឆ្លើយតបទៅនឹង យុទ្ធសាស្រ្តចតុកោណ ដំណាក់កាលទី៤ របស់រដ្ឋាភិបាល។