សង្វៀនប្រជល់មាន់មួយកន្លែងស្ថិតនៅភូមិឈើទាលជ្រុំ ឃុំចិញ្ចើម ស្រុកត្បូងឃ្មុំ បើកលេងយ៉ាងរលូន

ខេត្តត្បូងឃ្មុំ៖ ទីតាំងសង្វៀនប្រជល់មាន់មួយកន្លែងស្ថិតនៅភូមិឈើទាលជ្រុំ ឃុំចិញ្ចើម ស្រុកត្បូងឃ្មុំ ខេត្តត្បូងឃ្មុំ ខាងត្បូងផ្សារខ្នា ដែលមានម្ចាស់ង្វៀនឈ្មោះ ថុននិង ឈ្មោះ ប្រុស បើកលេងយ៉ាងរលូនហាក់មិនញញើតសមត្ថកិច្ចសោះ ។

បើតាមប្រជាពលរដ្ឋនៅក្បែរនោះបានប្រាប់អោយដឹងថា គាត់រស់នៅសព្វថ្ងៃមានការព្រួយបារម្មណ៍ណាស់ ដោយសារនៅទីនោះមានបើកល្បែងជល់មាន់ ប៊ៀរ អាប៉ោង ស្ទើររាល់ថ្ងៃ ហ៊ោរស្រែកកញ្ជៀវ អឺងកកថែមទៀតផង។ 

ប្រជាពលរដ្ឋបានលើកឡើងទៀតថា មួយរយះនេះដោយសារល្បែងជល់មាន់ ប៊ៀរ អាប៉ោង បើកយ៉ាងគគ្រឹកគគ្រែង ធ្វើអោយពួកគាត់មានការព្រួយបារម្ភអំពីបញ្ហាចោរលួច ចោរប្លន់ និងបទល្មើសមួយចំនួនទៀត។

ប្រជាពលរដ្ឋបានសំណូមពរថា សូមអោយលោកសមត្ថកិច្ចគ្រប់លំដាប់ថ្នាក់មេត្តាជួយចុះប្រតិបត្តិការណ៍ចុះបង្ក្រាបផង។