អគ្គីភ័យឆាបឆេះផ្ទះប្រជាពលរដ្ឋអស់ចំនួន​ ០៣​ខ្នង នៅស្រុកអង្គស្នួល ខេត្តកណ្ដាល

ខេត្ត​កណ្ដាល​ ៖​ ថ្ងៃ​ពុធ​ ០៨រោច​ ខែចេត្រ​ ឆ្នាំជូត ឯកស័ក​ ពស​ ២៥៦៣ ​ត្រូវនឹងថៃ្ង ទី​១៥​ ខែមេសា ឆ្នាំ​២០២០ វេលាម៉ោង ២៣:៣០ នាទី នៅចំណុចភូមិកៅ ឃុំបែកចាន​ ស្រុកអង្គស្នួល ខេត្តកណ្ដាល​ មានករណីអគ្គីភ័យឆេះផ្ទះប្រជាពលរដ្ឋចំនួន​ ០៣​ខ្នង ទំហំ​ ២៥ម៉ែត្រ×៥០ម៉ែត្រ ធ្វើអំពីជញ្ជាំងថ្ម ដំបូងប្រក់ស័ង្កសីម្ចាស់ផ្ទះមិនទាន់ស្គាល់អត្តសញ្ញាណ​ (ផ្ទះទុកចោល​ ចាក់សោ​រយះពេល០២ខែ​ មកហើយ)​ ។

សម្ភារៈខូចខាតរួមមាន: ឆេះផ្ទះល្វែងចំនួន​ ០៣ ខ្នង ឆេះអស់​ ៥០%​ នឹងសម្ភារៈក្នុងផ្ទះមួយចំនួនទៀត​ ។ មូលហេតុដោយសារមុខសញ្ញាឈ្មោះ​ គា​ ភេទ ប្រុស​ អាយុ៣៥​ឆ្នាំ ​ជាអ្នកដុត​ ត្រូវបានឃាត់ខ្លួន។

ដោយមានការបញ្ជាផ្ទាល់ពីលោកអធិការ ស្រុកអង្គស្នួលកំលាំងអន្តរាគមន៍របស់​អធិការដ្ឋាននគរបាលស្រុកអង្គស្នួល បានចេញប្រតិបត្ដិការណ៍សហការណ៍ជាមួយកំលាំងប៉ុស្ដិ៍បែកចាន ប្រជាការពារ​ និងប្រជាពលរដ្ឋ​ ៦៨​នាក់ បានជួយពន្លត់ភ្លើងឆេះ នៅចំណុចខាងលើ ដោយប្រើរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តចំនួន ០២​គ្រឿង រថយន្តរបស់អធិការដ្ឋាន​ ខណ្ឌពោធិសែនជ័យចំនួន​ ០២​ គ្រឿង​ ​រថយន្ត​អង្គភាព៩១១​ ចំនួន​ ០១​គ្រឿងសរុប ០៥​ គ្រឿង ប្រើប្រាស់ទឹកអស់ចំនួន​ ០៨រថយន្ត ស្មើនឹង​ ៤០​ ម៉ែត្រគូប ទើបរលត់ជាស្ថាពរនៅវេលាម៉ោង​ ០១:០០​ នាទី​ រំ​លងអាធ្រាត ។