អភិបាលខេត្តបន្ទាយមានជ័យ ចុះជួបសំណេះសំណាល និងប្រគល់​ផ្ទះ​មនុស្សធម៌​ជូន​លោកយាយ​ទីទាល់ក្រ ដែលជាអំណោយរបស់លោកជំទាវ ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា

ខេត្តបន្ទាយមានជ័យ៖ នៅព្រឹកថ្ងៃទី១៧ ខែមេសា ឆ្នាំ២០២០នេះ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងលោកជំទាវ ព្រមទាំងក្រុមការងារសាខាកាកបាទក្រហមកម្ពុជា ខេត្តបន្ទាយមានជ័យ បានអញ្ជើញចុះជួបសំណេះសំណាល សួរសុខទុក្ខប្រជាពលរដ្ឋ និងប្រគល់​ផ្ទះ​មនុស្សធម៌​ ដែលជាអំណោយដ៏ថ្លៃថ្លារបស់សម្តេចគតិព្រឹត្តិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ​ជូន​ដល់លោកយាយ​ យិម យឿម អាយុ​៧១ឆ្នាំ​ ​ស្ថិតក្នុង​ភូមិរកាថ្មី ឃុំ​ស្វាយចេក ស្រុក​ស្វាយចេក ខេត្ត​បន្ទាយមានជ័យ ។

ក្នុងនាមកាកបាទក្រហកម្ពុជាខេត្តក៏បាន​នាំ​យក​អំណោយ​មនុស្សធម៌​មួយចំនួន​ជូនលោកយាយរួមមាន អង្ករ​៥០គីឡូក្រាម​ ​ត្រីខ​១០កំប៉ុង​ ​មី​១កេះ​ ​ទឹក​ស៊ី​អ៉ីវ​១យួរ​ ​ប្រេងឆា​១ដប​ ​សាប៊ូម្សៅ​១ថង់​ ​ធុងទឹក​១​ កន្ទេល​ជ័រ​១​ ​ឆ្នាំង​២​ ​ចានបាយ​៦​ ​ស្លាបព្រា​៦​ មុង១​ ភួយ១​ សា​រ៉ុង១​ ក្រ​ម៉ា១​ អាវយឺត២ ជូនលោកយាយ និងផ្តល់អំណោយដល់ប្រជាពលរដ្ឋដែលចូលរួមក្នុងម្នាក់ៗ សារុង១ ,ក្រមា១ ផងដែរ ។